Банк Законов
 

Аб заснаваннi нагруднага знака "Савет Бяспекi

Указ Президента Республики Беларусь от 02.11.2001 N 623

Документ обновлен в феврале 2010 года



Зарегистрировано в Национальном реестре правовых актов

Республики Беларусь 6 ноября 2001 г. N 1/3172







1. Заснаваць нагрудны знак "Савет Бяспекi".

2. Зацвердзiць прыкладзеныя Палажэнне аб нагрудным знаку "Савет Бяспекi" i яго апiсанне.

3. Дадзены Указ уступае ў сiлу з дня яго падпiсання.



Прэзiдэнт Рэспублiкi Беларусь А.ЛУКАШЭНКА











                                                 ЗАЦВЕРДЖАНА
                                                 Указ Прэзiдэнта
                                                 Рэспублiкi Беларусь
                                                 02.11.2001 N 623


ПАЛАЖЭННЕ

АБ НАГРУДНЫМ ЗНАКУ "САВЕТ БЯСПЕКI"



1. Нагрудны знак "Савет Бяспекi" (далей - нагрудны знак) уручаецца Прэзiдэнту Рэспублiкi Беларусь, Старшынi Савета Бяспекi Рэспублiкi Беларусь, пастаянным членам i членам Савета Бяспекi Рэспублiкi Беларусь.

2. Нагрудным знакам узнагароджваюцца службовыя асобы органаў дзяржаўнага кiравання Рэспублiкi Беларусь, а таксама службовыя асобы iншых краiн, якiя ўнеслi значны ўклад у забеспячэнне нацыянальнай бяспекi Рэспублiкi Беларусь.

Нагрудным знакам могуць быць узнагароджаны супрацоўнiкi Дзяржаўнага сакратарыята Савета Бяспекi Рэспублiкi Беларусь за ўзорнае выкананне службовых абавязкаў па забеспячэнню дзейнасцi Прэзiдэнта Рэспублiкi Беларусь i Савета Бяспекi Рэспублiкi Беларусь у сферы нацыянальнай бяспекi.

3. Узнагароджванне нагрудным знакам ажыццяўляецца ў адпаведнасцi з распараджэннем Дзяржаўнага сакратара Савета Бяспекi Рэспублiкi Беларусь.

4. Нагрудны знак уручаецца Дзяржаўным сакратаром Савета Бяспекi Рэспублiкi Беларусь ва ўрачыстай абстаноўцы.

Адначасова з нагрудным знакам уручаецца пасведчанне ўстаноўленага ўзору.

5. Паўторнае ўзнагароджванне нагрудным знакам не праводзiцца. Дублiкат нагруднага знака ў выпадку яго страты не выдаецца.

6. Нагрудны знак носiцца на правым баку грудзей i размяшчаецца пасля знака аб заканчэннi навучальнай установы.











                                                 ЗАЦВЕРДЖАНА
                                                 Указ Прэзiдэнта
                                                 Рэспублiкi Беларусь
                                                 02.11.2001 N 623


АПIСАННЕ

НАГРУДНАГА ЗНАКА "САВЕТ БЯСПЕКI"



Нагрудны знак "Савет Бяспекi" ўяўляе сабой авал памерам 42 х 34 мм серабрыстага колеру з полем гарызантальнай штрыхоўкi. У авале размяшчаецца выява мяча лязом унiз, абрамлёнага лаўровым вянком. На меч накладзены шчыт з полем зялёнага колеру, у цэнтры якога знаходзiцца выява Дзяржаўнага герба Рэспублiкi Беларусь, пад ёй - два дубовыя лiсты. Шчыт з трох бакоў акантоўвае чырвоная стужка з надпiсам "САВЕТ БЯСПЕКI".

Выявы Дзяржаўнага герба Рэспублiкi Беларусь, дубовых лiстоў, лiтары надпiсу i ручка мяча - залацiстага колеру. Пакрыццё поля шчыта i стужкi - ювелiрная эмаль.

Адваротны бок нагруднага знака мае гладкую паверхню, шрубавае мацаванне, у нiжняй частцы яго знаходзiцца парадкавы нумар знака.








Предыдущий | Следующий



Новые документы


 

Счетчики

    Рейтинг@Mail.ru

Юмор